Раиси ҶИЭ Вазири корҳои хориҷии Тоҷикистонро ба ҳузур пазируфт

17 марти 2014 Раиси Ҷумҳурии Исломии Эрон Ҳасани Руҳонӣ Вазири корҳои хориҷии Ҷумҳурии Тоҷикистон Сироҷидин Асловро ба ҳузур пазируфт.
Дар ин дидор Вазири корҳои хориҷӣ паёми расмии Президенти Ҷумҳурии Тоҷикистон Эмомалӣ Раҳмонро ба Раиси Ҷумҳурии Исломии Эрон Ҳасани Руҳонӣ супорид.

идомаи матлаб...

Мулоқоти Вазири корҳои хориҷӣ бо Раиси Маҷлиси Шӯрои исломии Эрон

Дар идомаи сафари худ ба Ҷумҳурии Исломии Эрон 16 марти соли 2014 Вазири корҳои хориҷии Ҷумҳурии Тоҷикистон Сироҷидин Аслов бо Раиси Маҷлиси Шӯрои исломии Ҷумҳурии Исломии Эрон Алии Лориҷонӣ мулоқот намуд.

Дар мулоқоти мазкур таъкид гардид, ки муносибатҳои дуҷонибаи Ҷумҳурии Тоҷикистон ва Ҷумҳурии Исломии Эрон намунаи барҷастаи дӯстӣ, ҳамкорӣ ва ҳусни тафоҳум байни ду кишвар аст. Аз замони барпо гардидани муносибатҳои дипломатӣ ҳамкории ду кишвар ба болотарин сатҳ расида, заминаҳои гуногунро фаро гирифт. Қайд шуд, ки муносибатҳои байнипарламентӣ низ байни ду кишвар бо муваффақият густариш меёбанд. Дар ин самт гурӯҳҳои дӯстӣ, ки дар парламентҳои ду кишвар таъсис ёфтаанд, саҳми арзанда мегузоранд.

идомаи матлаб...

Мулоқоти вазирони корҳои хориҷии Тоҷикистон ва Эрон

15 марти соли 2014 дар шаҳри Теҳрон Вазири корҳои хориҷии Ҷумҳурии Тоҷикистон Сироҷидин Аслов бо Вазири корҳои хориҷии Ҷумҳурии Исломии Эрон Муҳаммад Ҷавод Зариф дидор намуд.

Дар мулоқоти мазкур масъалаҳои авлавиятноки муносибатҳои байни ду кишвар мавриди баҳс ва табодули назар қарор гирифтанд.

Ҷонибҳо бо изҳори қаноатмандӣ аз сатҳ ва муҳтавои ҳамкории дуҷониба, омодагӣ ва рағбати худро ба густариш ва таҳкими бештари муносибатҳои дӯстӣ ва ҳамкорӣ байни ду кишвари ҳамзабону ҳамфарҳанг дар соҳаҳои гуногун, аз ҷумла иқтисодиву тиҷоратӣ, энергетикиву нақлиётӣ, фарҳангиву омӯзишӣ ва амниятӣ таъкид намуданд.

идомаи матлаб...