Ширкат дар Ҷашнвораи байналмилалии ғизои «Роҳи абрешим»

Аз 18-ум то 21-уми апрели соли ҷорӣ дар шаҳри Занҷони Ҷумҳурии Исломии Эрон 5-умин Ҷашнвораи байналмилалии ғизои Созмони ҳамкории иқтисодӣ – «Роҳи абрешим» бо ҳузури 14 кишвар, аз ҷумла Тоҷикистон, Эрон, Хитой, Туркия, Афғонистон, Покистон, Озарбойҷон, Россия, Украина, Сурия, Ироқ, Лубнон, Яман ва Фаластин баргузор гардид.

Дар ҷашнвора намояндагони кишварҳои гуногун ғизоҳои миллию суннатии худро омода ва пешкаши иштирокдорону алоқамандон намуданд.

Кормандони Сафорат ва донишҷӯёни тоҷики муқими кишвари будубош Тоҷикистонро муаррифӣ намуда, ба меҳмонон ғизоҳои миллию суннатӣ, монанди оши палав, қурутоб, манту, самбӯса, анвои кулчаву шириниҳо пешкаш карда шуданд.

идомаи матлаб...

Таҷлили ҷашни Наврӯз дар Теҳрон

Санаи 15-уми марти соли 2019 дар бинои Сафорати Ҷумҳурии Тоҷикистон дар Теҳрон ҷашни байналмилалии “Наврӯз” бо иштироки ҳамватанон ва донишҷӯёни тоҷики донишгоҳҳои Эрон баргузор гардид.

Кордори Сафорат зимни шодбоши ҳозирин бо ҷашни байналмилалии Наврӯз роҷеъ ба сиёсати фарҳангии кишвар дар даврони Истиқлолият таҳти роҳбарии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон сухан ронда, аз рӯйдодҳои фарҳангӣ, таҷлили санаҳои бузурги фарҳангӣ, эҳёи сунатҳои милливу ҳунарҳои мардумӣ ва ба таври хосса аз шукӯҳу шаҳомат ва ҷаҳонӣ шудани Наврӯз ҳарф зад.

идомаи матлаб...

Маҳфили “Шаби Тоҷикистон” дар Теҳрон

Шоми 3-юми марти соли ҷорӣ дар Муассисаи фарҳангии Созмони ҳамкориҳои иқтисодӣ дар шаҳри Теҳрон маҳфили “Шаби Тоҷикистон” бо ҳузури раиси Муассисаи фарҳангии СҲИ, раиси Бунёди офаринишҳои ҳунарии Ниёварон, намояндаи Вазорати умури хориҷаи Эрон, кордори Сафорати ҶТ дар ҶИЭ, роҳбарият ва намояндагони  ҳайати дипломатии муқими  шаҳри Теҳрон, ҳамчунин меҳмонон аз дигар созмонҳои фарҳангии кишвари иқомат баргузор гардид.

Дар маҳфил китоби “Сотим Улуғзода ва фарҳанги миллӣ”, ба қалами донишманди тоҷик Сироҷиддин Эмомалӣ, ки дар ҳамкории муштараки Сафорати Ҷумҳурии Тоҷикистон дар Ҷумҳурии Исломии Эрон ва Муассисаи мазкур бо забони форсӣ чоп гардид, рӯнамоӣ шуд.

Раиси Муассисаи фарҳангии СҲИ, раиси Бунёди офаринишҳои ҳунарии Ниёварон, собиқ сафири Эрон дар Тоҷикистон ва намояндагони аҳли фарҳанги кишвари будубош дар бораи Сотим Улуғзода ҳарф зада, аз муштаракоти таърихию фарҳангии Тоҷикистону Эрон хотирнишон гардиданд.

Кордори Сафорати Тоҷикистон низ дар бораи фаъолият ва ҷойгоҳи устод Сотим Улуғзода дар адабиёти муосири тоҷик сухан ронда, бо иқтибос аз Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар бораи саҳми ин нависандаи бузург дар рушди адабиёту фарҳанги тоҷик, ҳамзамон аз қадрдонӣ шудани ӯ бо ҷоизаҳои давлатӣ ёдовар шуд.

Дар ҳамоиш филме аз диданиҳои сайёҳии Тоҷикистон ва порае аз мустанади зиндагиномаи Сотим Улуғзода низ ба забони тоҷикӣ пахш карда шуд. Ҳамчунин гурӯҳи ҳунарии “Навои милал” бо оҳангу таронаҳои дилангези тоҷикӣ табъи ҳозиринро болида доштанд.

Қобили зикр аст, ки китоби “Сотим Улуғзода ва фарҳанги миллӣ” тавассути Ш. Хоҷаев, коршиноси мизи Тоҷикистон дар Муассисаи фарҳангии СҲИ ба забони форсӣ баргардон шудааст.

Ҷумҳурии Тоҷикистон