Баргузории намоишгоҳи байналмилалии универсалии "Тоҷикистон-2019" дар Душанбе

      Ба иттилоъ мерасонад, ки Палатаи савдо ва саноати Ҷумҳурии Тоҷикистон бо дастгирии Ҳукумати Ҷумҳурии Тоҷикистон дар рӯзҳои   28-31 марти соли 2019 дар шаҳри Душанбе Намоишгоҳи байналмилалии универсалии "Тоҷикистон-2019" баргузор менамояд.

         Мақсади асосии гузаронидани Намоишгоҳи мазкур тақвияти корҳо дар самти муаррифии имкониятҳо ва иқтидорҳои ҷумҳурӣ дар арсаи байналмилалӣ, ҷалби бештари сармояи хориҷӣ ба соҳаҳои мухталифи иқтисоди миллии Тоҷикистон, рушди ҳамкориҳои судманди дуҷониба, ворид намудани таҷҳизоту технологияҳои замонавӣ ба кишвар, таъсиси корхонаҳои муштараки истеҳсолии коркарди ашёи хоми ватанӣ ва ба ин васила пайдо намудани ҷойҳои нави корӣ, инчунин истеҳсол намудани маҳсулоти ватании рақобатпазир ба содирот мебошад.

         Сармоягузорон, намояндагони ширкатҳои хусусиву давлатии кишварҳои хориҷӣ, метавонанд дар ин ҳамоиш ширкат варзанд.

         Алоқамандон бояд то 20.02.2019 тайиди иштироки худро аз тариқи номаи расмӣ ба Сафорат ё ба почтаҳои электронии зерин тасдиқ кунанд.

          Этот адрес электронной почты защищен от спам-ботов. У вас должен быть включен JavaScript для просмотра., Этот адрес электронной почты защищен от спам-ботов. У вас должен быть включен JavaScript для просмотра., Этот адрес электронной почты защищен от спам-ботов. У вас должен быть включен JavaScript для просмотра..  

          Ҳамчунин, хоҳишмандон ҷиҳати дарёфти маълумоти бештар метавонанд ба сомонаи www.tpp.tj муроҷиат намоянд.

 

 

Ҷаласаи Шӯрои банақшагирии минтақавии СҲИ таҳти раёсати Тоҷикистон

17 декабр дар шаҳри Теҳрон ҷаласаи 29-уми Шӯрои банақшагирии минтақавии Созмони ҳамкории иқтисодӣ таҳти раисии Намояндаи доимии Ҷумҳурии Тоҷикистон дар ин Созмон Неъматулло Эмомзода  оғоз ёфт.

Роҳбарии ҳайати Ҷумҳурии Тоҷикистонро дар ин ҷаласа Сафири Ҷумҳурии Тоҷикистон дар Ҷумҳурии Исломии Эрон Н.Эмомзода ба уҳда дошта, инчунин ба он намояндагони вазоратҳои корҳои хориҷӣ, нақлиёт ва иқтисоду савдои кишвар низ шомил мебошанд.

Дар чорабинии мазкур дар чаҳорчӯби ҷаласаҳои кумитаҳои соҳавӣ як қатор масъалаҳои муҳимму мубрами фаъолияти Созмон, аз ҷумла банақшагирии фаъолияти он дар соли 2019 мавриди баррасӣ қарор хоҳад гирифт.
Кори ҷаласа то 20 декабр идома хоҳад ёфт.

Маросими ба кор даровардани агрегати якуми Неругоҳи барқи обии «Роғун»

ДУШАНБЕ, 16.11.2018. Имрӯз Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати иштирок дар маросими ба кор даровардани агрегати якуми Неругоҳи барқи обии “Роғун” ба шаҳри Роғун ташриф оварданд.

Пешвои муаззами миллат Эмомалӣ Раҳмонро дар Фурудгоҳи муваққатии майдони сохтмони Роғун Сарвазири мамлакат Қоҳир Расулзода истиқбол гирифтанд.

Ҳамчунин барои иштирок дар ин рӯйдоди таърихӣ намояндагони воломақоми кишварҳои гуногуни олам, аз ҷумла Федератсияи Россия, Ҷумҳуриҳои Италия, Ҳиндустон, Покистон, Афғонистон, Белорус, Украина, Ӯзбекистон, Қазоқистон, Қирғизистон, дигар давлатҳо ва ташкилоту созмонҳои бонуфузи минтақавию байналмилалӣ ба Тоҷикистон ташриф овардаанд.

идомаи матлаб...

Ҷумҳурии Тоҷикистон