Вохӯрии Сафир бо Дабири кулли Кумитаи миллии олимпии Эрон

16 январи соли ҷорӣ Сафири Фавқулода ва Мухтори Ҷумҳурии Тоҷикистон дар Ҷумҳурии Исломии Эрон Неъматулло Эмомзода бо Дабири кулли Кумитаи миллии олимпии Эрон Шоҳрухи Шаҳнозӣ мулоқот кард.

Дар рафти вохӯрӣ ҷонибҳо перомуни равобити дуҷониба, аз ҷумла дар бахши варзиш, зарфияту имкониятҳои хуби мавҷуда барои рушду густариши ҳамкориҳо дар ин росто изҳори назар карданд.

Ҳамчунин,  зимни ёдоварӣ аз мусобиқаи варзишии дипломатӣ  дар ш. Теҳрон дар рӯзҳои наздик, ҷонибҳо таъкид намуданд, ки ин рӯйдод боиси таҳкими бештари риштаҳои дӯстиву ҳамкории ду ва чандҷониба хоҳад гардид.      

 

Вохӯрии Сафир бо ҳамраиси Гурӯҳи дӯстии байнипарлумонии Эрону Тоҷикистон

14 январи соли ҷорӣ дар бинои Маҷлиси Шӯрои исломии Ҷумҳурии Исломии Эрон вохӯрии Сафири Фавқулода ва Мухтори Ҷумҳурии Тоҷикистон дар Ҷумҳурии Исломии Эрон Неъматулло Эмомзода бо ҳамраиси тозатаъйини Гурӯҳи дӯстии байнипарлумонии Эрону Тоҷикистон Ҷалил Раҳимии Ҷаҳонободӣ, ки намояндаи мардуми ноҳияҳои Турбати Ҷом, Тойбод ва Бохарзи вилояти Хуросони Разавӣ ва раиси Кумитаи байналмилалии Комиссияи судию ҳуқуқии Маҷлис мебошад, баргузор гардид.

Дар мулоқот бо ишора ба пайвандҳои зиёди таърихию фарҳангии Тоҷикистону Эрон роҷеъ ба масоили гуногуни муносибатҳои дуҷониба табодули назар сурат гирифт.

Ҷонибҳо ба ҷоннок намудани истифодабарии зарфиятҳои тарафайн дар бахшҳои мухталиф ва тавсеаи ҳарчи бештари равобити парлумонӣ барои тақвияти ҳамкориҳои дӯстонаи дуҷониба, минтақавӣ ва байналмилалӣ таъкид намуданд.

Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон

Муҳтарам аъзои Маҷлиси миллӣ ва вакилони Маҷлиси намояндагон!
Ҳамватанони азиз!

Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд.

Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид.

Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст.

идомаи матлаб...

Ҷумҳурии Тоҷикистон