Ҷаласаи Шӯрои банақшагирии минтақавии СҲИ таҳти раёсати Тоҷикистон

17 декабр дар шаҳри Теҳрон ҷаласаи 29-уми Шӯрои банақшагирии минтақавии Созмони ҳамкории иқтисодӣ таҳти раисии Намояндаи доимии Ҷумҳурии Тоҷикистон дар ин Созмон Неъматулло Эмомзода  оғоз ёфт.

Роҳбарии ҳайати Ҷумҳурии Тоҷикистонро дар ин ҷаласа Сафири Ҷумҳурии Тоҷикистон дар Ҷумҳурии Исломии Эрон Н.Эмомзода ба уҳда дошта, инчунин ба он намояндагони вазоратҳои корҳои хориҷӣ, нақлиёт ва иқтисоду савдои кишвар низ шомил мебошанд.

Дар чорабинии мазкур дар чаҳорчӯби ҷаласаҳои кумитаҳои соҳавӣ як қатор масъалаҳои муҳимму мубрами фаъолияти Созмон, аз ҷумла банақшагирии фаъолияти он дар соли 2019 мавриди баррасӣ қарор хоҳад гирифт.
Кори ҷаласа то 20 декабр идома хоҳад ёфт.

Маросими ба кор даровардани агрегати якуми Неругоҳи барқи обии «Роғун»

ДУШАНБЕ, 16.11.2018. Имрӯз Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати иштирок дар маросими ба кор даровардани агрегати якуми Неругоҳи барқи обии “Роғун” ба шаҳри Роғун ташриф оварданд.

Пешвои муаззами миллат Эмомалӣ Раҳмонро дар Фурудгоҳи муваққатии майдони сохтмони Роғун Сарвазири мамлакат Қоҳир Расулзода истиқбол гирифтанд.

Ҳамчунин барои иштирок дар ин рӯйдоди таърихӣ намояндагони воломақоми кишварҳои гуногуни олам, аз ҷумла Федератсияи Россия, Ҷумҳуриҳои Италия, Ҳиндустон, Покистон, Афғонистон, Белорус, Украина, Ӯзбекистон, Қазоқистон, Қирғизистон, дигар давлатҳо ва ташкилоту созмонҳои бонуфузи минтақавию байналмилалӣ ба Тоҷикистон ташриф овардаанд.

идомаи матлаб...

Чорабинӣ бахшида ба Рӯзи Президенти Ҷумҳурии Тоҷикистон ва Иҷлосияи XVI Шӯрои Олии Ҷумҳурии Тоҷикистон дар Теҳрон

13-уми ноябри соли ҷорӣ дар Сафорати Ҷумҳурии Тоҷикистон дар ш. Теҳрон чорабинӣ бахшида ба Рӯзи Президенти Ҷумҳурии Тоҷикистон ва 26-умин солгарди Иҷлосияи таърихии XVI Шӯрои Олии Ҷумҳурии Тоҷикистон бо ҳузури ҳамватанони муқими кишвари будубош, аз ҷумла кормандони намояндагиҳои созмонҳои байналмилалӣ ва донишҷӯён баргузор гардид.

идомаи матлаб...

Ҷумҳурии Тоҷикистон